English
Juvelook 素顏針大家應該聽得多，但最近多咗一款 Juvelook Shine，兩支樣子差唔多，成分一樣，究竟分別喺邊？應該揀邊支？
答案其實好簡單：兩款都係 PDLLA（聚雙旋乳酸）＋ 非交聯透明質酸，分別在於粒子大細。粒子大細唔同，去到皮膚嘅深度就唔同，處理嘅問題亦唔同。下面用 5 分鐘，同你講清楚點揀。
粒子大細決定用途
Juvelook 素顏針：粒子中等，放喺真皮深層，負責「撐」，即係支撐凹位、刺激膠原，適合凹洞暗瘡疤、局部凹陷。
Juvelook Shine：粒子更細緻，放喺真皮淺層，負責「亮」，即係改善暗沉、色素、毛孔同細紋，令全臉更緊緻有光澤。
兩款冇話邊款好啲，只係目標唔同。揀啱返自己膚況，先至最抵。
Juvelook Shine vs Juvelook Skin 比較表
| 比較項目 | Juvelook Skin（原裝） | Juvelook Shine |
| 成分 | PDLLA + 非交聯透明質酸 | PDLLA + 聚乳酸 + 非交聯透明質酸 |
| 粒子大小 | 中等 | 奈米 |
| 注射深度 | 真皮深層 | 表皮層 |
| 施打方式 | 醫生手針／射頻微針 | 射頻微針 |
| 主要目的 | 暗瘡凹陷、刺激膠原蛋白 | 色斑暗沉、毛孔、細紋、膚質、刺激膠原蛋白 |
| 適合問題 | 凹洞暗瘡疤、局部凹陷、較深皺紋 | 色素沉澱、毛孔粗大、眼下細紋、輕度暗瘡疤、全臉緊緻光澤 |
| 特點 | 有效支撐凹位，維持較耐 | 容易滲入皮膚，見效較快 |
兩者可配合使用，效果因人而異。
Juvelook素顏針：由深層撐起凹位
JUVELOOK 點樣運作？
Juvelook 由約 85% PDLLA 同 15% 非交聯透明質酸組成。打完之後，透明質酸先帶嚟即時保濕同飽滿感；之後 PDLLA 微粒會刺激皮膚纖維母細胞，大約 2 至 4 星期開始逐步增生膠原蛋白同彈性纖維，由底層將皮膚「撐」返起。
JUVELOOK 適合邊類膚況？
-凹凸洞、暗瘡凹陷疤痕
-局部凹陷，例如眼底乾癟、淚溝
-較深嘅皺紋、皮膚變薄冇彈性
JUVELOOK 施打方式
原裝 Juvelook 藍盒可以由醫生手針逐點注射，針對凹洞位置精準處理；亦可以配合射頻微針，全臉均勻改善膚質。
Juvelook Shine：專攻暗沉、色素同毛孔嘅淺層光澤
粒子更細，點解有分別？
Juvelook Shine 同樣係 PDLLA + 非交聯透明質酸，但 PDLLA 粒子做得更細緻。粒子細，就更容易留喺真皮淺層、貼近基底膜嘅位置，集中改善表面膚質，而唔係做體積支撐。
點解 Juvelook shine 可以改善暗沉同色素？
基底膜係表皮同真皮之間嘅「地基」。醫生資料指，Shine 淺層刺激膠原同彈力蛋白、強化基底膜，有助皮膚代謝回復正常，改善色素沉澱、泛紅同暗沉，令膚色更通透。
點解用射頻微針做Juvelook shine？
Shine 目標係全臉淺層，用射頻微針一邊開微細通道、一邊刺激膠原，再將 Shine 均勻帶入皮膚，比逐點注射更適合大面積處理。MIIO 可配合 POTENZA 黃金射頻微針嘅 Fusion Tip 導入探頭進行。
Juvelook shine 適合邊類膚況？
-色素沉澱、暗沉、膚色唔均
-毛孔粗大、膚質粗糙
-眼下細紋、輕度暗瘡疤
-想全臉提升緊緻度同光澤感
Juvelook Shine 定 Juvelook Skin？3 個問題幫你揀
| 你最想改善… | 建議 | 原因 |
| 凹凸洞、凹陷疤痕、眼底凹陷 | Juvelook Skin | 粒子中等、放喺深層，可以支撐凹位 |
| 暗沉、色素沉澱、毛孔粗大 | Juvelook Shine | 粒子細、放喺淺層，集中改善膚色膚質 |
| 凹洞 + 暗沉毛孔都有 | Skin + Shine 配合 | 深層撐凹位、淺層提亮，醫生按膚況安排 |
最準確嘅做法，係先做皮膚分析，評估凹洞深度、色素同毛孔情況，再決定用邊款、用幾多。
Juvelook Shine 同 Juvelook Skin 可唔可以一齊做？
可以。兩款成分相同，只係負責唔同深度：Juvelook Skin 喺深層撐起凹位，Juvelook Shine 喺淺層改善膚色同毛孔。對於又有凹洞、又有暗沉毛孔嘅膚質，深淺一齊處理，整體效果會更全面。
實際次序、份量同相隔時間，會由醫生喺評估後建議。
Juvelook 療程流程及恢復期
療程流程
1. 皮膚分析：了解凹洞、色素、毛孔情況
2. 醫生評估：決定用 Juvelook /Juvelook Shine 定兩款配合
3. 清潔及敷麻膏，減低不適
4. 注射或射頻微針導入
5. 術後舒緩及護理指引
恢復期
| Juvelook Skin | Juvelook Shine | |
| 常見反應 | 注射位置有小凸起、輕微紅腫 | 泛紅、輕微腫、微針位小凸起 |
| 一般消退時間 | 小凸起一般 1–3 日消退 | 紅腫多數約 24 小時內回復 |
| 瘀青 | 有機會，眼周較常見 | 有機會，眼下位置可能需 1–2 星期消退 |
| 化妝 | 按醫生指示 | 一般翌日可化妝 |
術後 1 星期內避免按摩、焗桑拿、高溫運動同其他面部激光療程，並做好防曬同保濕。個別反應因人而異。
Juvelook 幾時見效？效果可以維持幾耐?
| Juvelook | Juvelook Shine | |
| 即時 | 透明質酸帶來保濕、飽滿感 | 透明質酸帶來水潤光澤 |
| 見效 | 約 2–4 星期開始增生膠原，完成療程後更明顯 | 較快，約 2 星期起可見膚色、緊緻度改善 |
| 建議療程 | 每月 1 次，共 3 次 | 每月 1 次，共 3 次 |
| 維持 | 完成療程後約 12–18 個月 | 較短，約半年，建議定期保養 |
一句總結：Juvelook Shine 見效快、適合定期保養；藍盒見效較慢，但維持得耐。
Juvelook vs Juvelook Shine vs Juvelook Volume：個名好似，點分？
 |
 |
 |
| Juvelook ：藍盒 50mg。坊間亦叫素顏針、藍瓶，韓國診所習慣叫「Juvelook Skin」，同 Volume 作區分。
|
Juvelook Shine：粒子更細，針對淺層膚色、色素、毛孔。
|
Juvelook Volume：黑瓶，粒子最大、份量較多，用於較深層嘅輪廓同凹陷。
|
Juvelook 系列近年越出越多款，名好容易撈亂，根據以上圖表可以清楚分別！
點解喺 MIIO 做 Juvelook？
✔ 醫生主理：針劑療程由註冊醫生評估同施針，按你嘅凹洞深度、色素同毛孔情況決定用邊款。
✔ 深淺同治：同時提供 Juvelook Skin 同 Juvelook Shine，唔會一支打晒所有問題。
✔ POTENZA Fusion Tip：MIIOSKIN 為全港首批引入 Fusion Tip 25 水光探頭嘅中心之一，可於射頻微針後同步導入 Juvelook。
✔ 報價清晰：不設顧問、絕不硬銷，評估後先報價，唔會現場加價。
Juvelook Shine／Juvelook Skin 價錢點計？
Juvelook 嘅價錢冇一個固定數字，因為每個人嘅打法都唔同：
-揀邊款：用 Juvelook Skin、Juvelook Shine，定兩款配合
-施打方式：醫生手針逐點注射，定配合射頻微針導入
-由邊個做：由醫生親自施打定由專業治療師操作，價錢都會唔同
-處理範圍：全臉、局部凹洞位，定眼周等細緻位置；以及所需瓶數
所以 MIIO 會先做皮膚分析，按你嘅膚況同療程方案報價，事前講清楚，唔會現場加價。
想知適合你嘅方案同價錢，歡迎 WhatsApp MIIO 查詢。
Juvelook Shine vs Juvelook Skin 常見問題
Juvelook Shine 同 Juvelook Skin 有咩分別？
兩款都係 PDLLA + 非交聯透明質酸，分別在於粒子大細同注射深度。Juvelook Skin 粒子中等，放喺真皮深層，適合凹洞暗瘡疤同局部凹陷；Juvelook Shine 粒子更細緻，放喺真皮淺層，適合暗沉、色素沉澱、毛孔同細紋。
凹凸洞應該揀 Juvelook Shine 定 Juvelook Skin？
凹凸洞同凹陷疤痕一般較適合 Juvelook Skin，因為佢喺深層支撐凹位。如果同時有暗沉或毛孔粗大，可以由醫生評估後配合 Juvelook Shine。
Juvelook Shine 同 Juvelook Skin 可唔可以一齊做？
可以。Juvelook Skin 負責深層支撐，Juvelook Shine 負責淺層提亮，深淺一齊處理效果更全面。實際次序同份量由醫生評估後建議。
Juvelook Shine 幾耐見效？
Juvelook Shine 見效較快，打完即時有水潤光澤感，一般約 2 星期起可見膚色同緊緻度改善，效果因人而異。
Juvelook 幾耐打一次？
Juvelook Shine 可以每月一次作水光保養；Juvelook Skin 一般建議每月 1 次、共 3 次為一個療程。
Juvelook 會唔會有結節？
PDLLA 製劑有機會出現結節，但屬少見。Juvelook Shine 粒子較細，海外醫生資料指風險較低。由醫生按正確深度同份量施打，並遵守術後指引，有助減低風險。
Juvelook Shine 恢復期要幾耐？
Juvelook Shine 一般泛紅同輕微腫約 24 小時內回復，翌日可化妝；如有瘀青，眼下位置可能需要 1–2 星期消退。
Juvelook Skin 同 Juvelook Volume（黑瓶）有咩分別？
Juvelook Skin（原裝藍瓶）粒子較細，主要改善膚質、細紋同凹洞；Juvelook Volume（黑瓶）粒子較大、份量較多，用於較深層嘅輪廓同凹陷，例如太陽穴、深法令紋。
— — — — — — — — — — — — — — —
唔肯定自己適合 Juvelook Shine 定 Juvelook Skin？預約 MIIO 皮膚分析，由醫生睇清你嘅凹凸洞、色素同毛孔，再建議最啱你嘅方案。
效果因人而異。療程前須由註冊醫生評估是否適合。